Teрористичката организација Исламска држава (ИД) утринава застана зад нападот во Ница во кој загинаа 84 лица а 202 од кои 52 тешко се ранети.
Иако повеќе од 32 часа немаше соопштение на ИД кои би презело одговорност за нападот а авторот на нападот не беше познат од француските институции кои водат борба против тероризмот, политичарите и истрагата во Франција изјавија дека станува збор за исламистички тероризам. Поради тоа што начинот на кој беше извршен нападот јасно укажуваше на методите и упатствата на ИД до нивните западни следбеници.
Возилото како оружје – ова е упатството дадено од терористичката организација ИД до нејзините следбеници уште во 2014 година. Абу Мухамед Ал-Аднани, портпарол на ИД на овој начин ги мотивирал борците да тргнат во напад и тоа сами, без ничија помош.
Во пропагадистичкиот весник на ИД Инспајр тој има напишано:
“Користете го камионот како машина за косење трева. Одете на најпосетените места со максимална брзина за да направите што поголема штета. Ако имате и огнено оружје искористете го за да ја завршите работата”.
Ал-Аднани во повеќе наврати барал од своите приврзаници да не им се придружуваат на редовите на ИД и да не одат во Сирија туку да напаѓаат во земјата во која се наоѓаат.
Тој додава уште упатства:
“Ако не можете да експлодирате бомба или да испукате куршум, снајдете се за да се најдете насамо со француски и американска неверник и скршете му ја главата со камен, убијте го со удари со нож, удрете во него со кола, фрлете го од карпа, задавете го, отрујте го… Не е важно дали неверникот е борец или цивил. Нивната казна е иста: и двајцата се непријатели. Нивната крв може да се пролее.”
Нападот во Ница не е прв случај во кој се користеле кола или камион како оружје. Два такви напади се случија во Лондон и во Монтреал.
Во мај 2013 година двајца Лондончани со нигериско потекло удрија со кола во млад војник а потоа го боделе со нож. Според видеото снимано веднаш по нападот еден од убијците вели дека сакал да ги освети сите муслимани убиени од британски војници. Убиецот бил татко на шест деца.
Во 2014 година еден радикализиран Канаѓанец удрил со кола во тројца војници, едниот загинал а другиот бил ранет.
На 13 јуни 2016 година во близина на Париз Лароси Абала со нож уби еден полицаец и неговата сопруга во нивниот дом