Новоизбраниот претседател на САД Доналд Трамп денеска ќе биде инаугуриран како 45 американски претседател. Се проценува дека на свеченоста на полагање на заклетва ќе присуствуваат од 700 до 900 луѓе.
Изборот на Доналд Трамп за американски претседател, заседно со Брегзит, минатата година беше еден од најважните светски настани и поради тоа целиот свет ја следи неговата инаугурација, а уште повеќе неговите први потези во Белата куќа.
Трамп прво ќе посети една од локалните цркви каде ќе присуствува на молитва, а потоа и на традиционалното кафе со Барак Обама каде од Белата куќа заедно ќе тргнат кон Капитол Хил.
Точно напладне се очекува се очекува тој да ја стави раката на Библијата на Абрахам Линкол и со тоа да стане 45. Претседател на САД.
САД немаат пркатика на инаугурацијата на своите претседатели да повикуваат светски лидери, па земјите ќе бидат застапени од своите дипломатски претставници во Вашингтон.
Од претседателите, засега е потврдено дека ќе присуствуваат двајца од нив, Обама и Џорџ Буш помладиот.
Сенка на целата церемонија фрли одлуката на 68 членови на Претставничкиот дом од редот на демократите да не присуствуваат на инаугурацијата, сметајќи дека Трамп не е легитимен претседател имајќи предвид дека, како што велат, Русија влијаела на резултатите на изборите.
Обама не сакаше да ја коментира одлуката.
За денеска најавени се стотина помали протести низ Вашингтон. Првиот работен ден на Трамп ќе биде во понеделник.
Каде се одржува, кој ќе оди, а кој не, кој ќе настапува и каква е традицијата, ова се прашањата кои се поставуваат пред секоја претседателска инаугурација во САД. Повеќе од видео сторијата на Влатко Чаловски.