Двајца полицајци се повредени, а 95 демонстранти се уапсени бидејќи кршеле прозорци, оштетиле автомобили и фрлале камења на полицијата во близина на инаугуративната церемонија на Доналд Трамп во Вашингтон.
Двајца полицајци и уште еден друг човек биле однесени во болница откако биле повредени од демонстрантите, јавува CNN.
Повредите не се опасни по живот.
По церемонијата на положување заклетва, демонстранти фрлале камења и шишиња кон полицијата, која се обидувала толпата да ја растера со солзавец и со други средства за контрола.
„Ова е изолиран инцидент, најголемиот број демонстранти се движат мирно. Голем број граѓани се дојдени за мирно да прошетаат и да го проследат овој историски настан“, изјавиле од полицијата.
Од полицијата додаваат и дека во текот на денот 95 демонстранти биле уапсени затоа што кршеле прозорци од згради и возила во близина на Белата куќа.
Protesters on Indiana Ave: "No Trump, no KKK, no fascist USA"
Trump supporters on line:
"Get a job, get a job"
Police lined up in between. pic.twitter.com/tsEEP8H9CA— Greg Krieg (@GregJKrieg) January 20, 2017