Министерството за внатрешни работи денеска информираше дека тетовка утрово добила закани дека утре ќе биде бомбардиран судот во Тетово.
Од полицијата објаснуваат дека Единицата за антитероризам на МВР извршила комплетно пребарување на внатрешноста на објектот и просторот околу истиот, но не биле пронајдени никакви експлозивни или други средства.
„Триесет и деветгодишната тетовка Н.Ј., денеска околу 8 часот и 40 минути пријавила во Полициската станица Тетово дека утрото кога влегла во нејзиниот деловен објект (адвокатска канцеларија), лоцирана на улица „Струшка“ во Тетово, на подот забележала писмо на кое пишувало „На 13 април ќе се бомбардира Судот во Тетово, големa количинa експлозија има внатре, доста игравте со народот. Го подигнала, отворила и во него се наоѓал лист хартија на кој рачно, со кирилично писмо, било напишано: ’На 13 април ќе се бомбардира Судот во Тетово, големa количинa експлозија има внатре, доста игравте со народот’. Веднаш е известен јавен обвинител кој дал насоки за мерките и активностите што треба да се преземат, по што повеќе служби на СВР Тетово испратени се во и околу објектот на Основниот суд Тетово, а известени се и соодветните служби на Министерството за внатрешни работи во Скопје“, пишува во соопштението на МВР.