Светското првенство за најдобрите клубови од континенталните конфедерции е првиот нареден голем предизвик за ракометарите на Вардар. Популарниот„Супер Глоуб“ е во организацијата на Интернационалната ракометна федерација (ИХФ), осми пат во низа, деветти вкупно, ќе се игра во Катар, а годинашното издание е закажано од 25 до 28 август.
Турнирот е востановен во 1997 година и во него учествуваат по осум екипи. Бранител на титулата е Фухсе Берлин кој во ланското финале го совлада ПСЖ со 29:28. Бундеслигашот го потврди своето учество во Доха каде ќе настапат и египетски Ал Ахли (освојувач на африканската Лига на шампиони), Ал Нор од Саудиска Арабија (победник во азискиот Куп на шампиони), австралиски Сиднеј Јуниверсити (победник во купот на шампиони на Океанија) и бразилски Пињеирош (победник на Пан-американскиот Куп на шампиони).
Едно место е резервирано за домашен репрезент (лани беше Ал Сад), а преостанатото ќе биде пополнето со вајлд карта што во 2016 година беше адресирана до ПСЖ.
Победници на досегашните „Супер Глоуб“ турнири
2016 година (Доха/Катар): Фухсе Берлин – ПСЖ 29:28
2015 година (Доха/Катар): Фухсе Берлин – Веспрем 28:27 (по продолженија)
2014 година (Доха/Катар): Барселона – Ал Сад 34:26
2013 година (Доха/Катар): Барселона – Хамбург 27:25
2012 година (Доха/Катар): Атлетико Мадрид – Кил 28:23
2011 година (Доха/Катар): Кил – Сиудад Реал 28:25
2010 година (Доха/Катар): Сиудад Реал – Ал Сад 30:25
2007 година (Каиро/Египет): Сиудад Реал (натпреварите се играа во група, без плеј-оф)
2002 година (Доха/Катар): Ал Сад (натпреварите се играа во група, без плеј-оф)
1997 година (Виена/Австрија): Кантабрија – Драмен 30:29