Поддршка за членството во НАТО и зголемување на соработката помеѓу двете земји во сферата на реформсктие процеси, ова се пораките испратени од Норвешка, соопштуваат од Кабинетот на министерот за надворешни работи Никола Димитров којшто денеска се сретна со неговиот колега Борге Бренде.
Министерот Бренде го поздрави формирањето на новата Влада на Република Македонија, при што ја реафирмира силната поддршка на Кралството Норвешка за европската и евро-атлантската интеграција на Република Македонија. Во таа смисла, информира дека норвешката Влада предвидува зголемување на билатералната помош за земјите од регионот со фокус на стабилноста и поддршката за нивно членство во ЕУ и НАТО, се вели во соопштението.
Норвешка во рамки на оваа средба најавила и зголемено присуство во земјава со намера да и помогне на Македонија во „градењето на поправедно општество“.Норвешка во 2011 година ја укина својата амбасада во Македонија со образложение дека во регионот е доволна амбасадата во Белград за да ги покрива и другите земји.