Триумфот во осминафиналето, се чини, зема данок во играта на младите македонски ракометари на Светското првенство во Алжир. Нецели 24 часа по елиминација на домашната селекција, „црвено-жолтите“ излегоа на мегдан со нивите врсници од Франција. „Триколорите“ притоа без проблеми се пробија до полуфинале по убедливите 33:17 и го испратија составот на Илија Темелковски да разигрува за пласман од петтото до осмото место на турнирот.
Лагард беше единствен ракометар во победничката селекција што не успеа да погоди. Ричардсон и Мокуа постигнаа по пет гола, Кеита и Пешмалбе по четири колку и Талески за Македонија. Одличен на голот беше Томовски кој, според официјалната статистика, забележа 12 одбрани меѓутоа и Мејер на спротивната страна имаше своја вечер и мечот го заврши со 15 интервенции.
Поразот од Франција и исфрување од борбата за распределба на комплетот одлучја, сепак, не е разочарувачки за Македонија. Минување на групата беше целта со која се почнаа подготовките во Скопје и се отпатува во Алжир, а таму и реализирана. Победите над Русија (29:22), над Буркина Фасо (48:20) и над Бразил (28:23) и поразите од Тунис (27:32) и од Шпанија (25:36) ја сместија Македонија на второто место во групата Ц.
Во осминафиналето беше премостен и Алжир, домаќин на турнирот, со 24:20, но Франција вечерва се покажа како пресилна и превисока пречка за младата ракометна репрезентација на Македонија.
Следува ден одмор, а вече во сабота „црвено-жолтите“ ќе играат со поразениот од вечерашниот дуел меѓу Данска и Русија за пласман од петтото до осмото место на СП 2017.
Франција – Македонија 33:17 (14:9)
Спортска сала: „Омниспорт Хацене Харча“ во Алжир. Гледачи: 800. Судии: Радојко Бркиќ и Андреј Јусуфхоџиќ (двајцата од Австрија).
Франција: Харбауи (3 одбрани), Мејер (15 одбрани), Лагард, Кеита 4, Мокуа 5, Билан 2, Ферандие 1, Ниембо 1, Маги 1, Пелајо 1, Камчоп 2, Пешмалбе 4, Лене 2, Ричардсон 5, Мем 2, Мине 3. Селектор: Јохан Делатре.
Седмерци: 1/1. Исклучувања: 6 минути.
Македонија: Томовски (12 одбрани), Даниловски, Лазаревски 3, Димитриоски 1, Јагуриноски, Нелоски 1, Танкоски 1, Велковски 3, Шилегов 1, Петровски 1, Талески 4, Кузмановски 2, Крстевски, Џонов, Палевски, Арсеновски. Селектор: Илија Темелковски.
Седмерци: 0/1. Исклучувања: 6 минути.