Актуелниот министер за здравство, Арбен Таравари во интервју за Радио Слободна Европа вели, сега бил моментот да забележи колку вреди во Гостивар, алудирајќи на неговата трка за градоначалничката функција во градот на претстојните избори.
– Ако тие ми веруваат и ми дадат гласови, ќе знам дека вредам во политиката. Ако не ми дадат гласови и мислат дека не треба да продолжам во политиката, јас си имам златен занает, вели министерот за здравство во заминување Арбен Таравари во неделното интервју.
Тој вели партијата направила проценки според одредени сондажи, одредени анкети за рејтинг и видела дека доколку не направат соработка со ниедна друга партија, единствениот којшто е над Невзат Бејта од ДУИ, е токму тој.
– Мислам дека оваа одлука е релативно добра, затоа што ако гледаме долгорочно, нам како партија ни е многу битно на овие избори да пораснеме како партија, да не останеме на 36 илјади гласови, туку да одиме, нашите тенденции се за над 50 илјади гласови, вели Таравари.