Лидс ја мина и третата пречка во англискиот Лига куп. Тимот на Езџан Алиоски во шеснаесетфиналето го елиминира Барнли на пенали со 5:3 по нерешените 2:2 во основните 90 минути и мирните мрежи во продолженијата. Македонскиот репрезентативец беше меѓу резервите, во игра влезе во 104 минута и доби доверба да биде еден од петте изведувачи на удари од белата точка на што возврати со погодок. Лидс претходно ги елиминира Порт Вејл во првото коло со 4:1 и Њупорт во второто со 5:1.
https://www.youtube.com/watch?v=GFZcC_onjZs
Во дербито на вечерта Лестер го совлада Ливерпул со 2:0 и направи Јирген Клоп да има „проблем помалку“ во продолжение на сезоната. Двата гола на „Кинг Пауер“ стадионот беа постигнати во второто полувреме. Најпрво погоди Оказаки во 65 минута, а 13 минути подоцна му асистира на Слимани во триумфот на „лисиците“. За „црвените“ од „Енфилд“ ова е четврти натпревар во низа без победа по поразите од Манчестер сити и Барнли во Премиерлигата и ремито со Севилја во Лигата на шампиони.
https://www.youtube.com/watch?v=DVLLzkF_JdA
Уште три екипи од највисокиот ранг во англискиот фудбал го завршија настапот во натпреварувањето покрај Барнли и Ливерул од кои две се елиминирани во премиерлигашки пресметки. Борнмут со гол во продолженијата го совлада Брајтон со 1:0, а со ист резултат во рамки на 90 минути, Кристал палас беше подобар од Хадерсфилд. Членот на Чемпионшип конкуренцијата, Бристол роверс, пак, со 2:0 го порази Стоук.
Лига куп – шеснаесетфинале
Тотенхем – Барнсли 1:0
Ридинг – Свонси 0:2
Вулверхемптон – Бристол роверс 0:0 – по продолженија 1:0
Вест Хем – Болтон 3:0
Лестер – Ливерпул 2:0
Кристал палас – Хадерсфилд 1:0
Барнли – Лидс 2:2 – на пенали 3:5
Бристол сити – Стоук 2:0
Брентфорд – Норич 1:3
Борнмут – Брајтон 0:0 – по продолженија 1:0
Астон Вила – Мидлсборо 0:2
Среда
Арсенал – Донкастер (20,45 ч.)
Челзи – Нотингем форест
Евертон – Сандерленд
Манчестер јунајтед – Бартон (21 ч.)
ВБА – Манчестер сити