Каролина Возњацки, конечно, успеа до турнирска победа по шест порази во мечеви за титула во 2017 година. Данската тенисерка го разби „проклетството“ во Токио по триумфот во финалето над Анастасија Пављученкова од Русија со 6:0, 7:5. За третиот трофеј во Јапонија, вкупно 26 во нејзината кариера, ѝ беа потребни 75 минути.
Првиот сет го освои експресно, за 22 минути, со неверојатна низа на винери не давајќи ни трошка надеж на Русинката. Нареднот донесе поизрамнета тениска претстава. Пављученкова успеа да воспостави рамнотежа, спаси и меч топка во десеттиот гем, но конците, сепак, ги држеше Возњацки која со бекхенд ја искористисти третата брејк прилика и го заклучи натпреварот.
Сензационалната победничка на Ролан Гарос, Јелена Остапенко, пак, ја архивира втората титула во кариерата. Летонката во финалето во Сеул беше подобра од Беатрис Хадад Маја со 6:7, 6:1, 6:4.
ВТА турнир во Токио – награден фонд 226,750 долари
Финале: Возњацки (Данска) – Пављученкова (Русија) 6:0, 7:5
ВТА турнир во Сеул – награден фонд 226,750 долари
Финале: Остапенко (Летонија) – Хадад Маја (Бразил) 6:7, 6:1, 6:4