Претседателот на САД, Доналд Трамп повторно упати предупредување до Северна Кореја, дека САД е подготвен на „уништувачки“ воени дејствија доколку тоа биде неопходно, по најавите дека Северна Кореја поставила воени авиони и ракети во база на источниот дел од земјата за да ја покаже својата подготвеност.
Ваквите дејствувања на Ким Јонг Ун, Америка ги има на сателтски снимки.
Во понеделеникот, министерот за надворешни работи на Северна Кореја, Ри Јонг Хо изјави дека Трамп веќе му објавил војна на Пјонгјанг, и затоа тие се подготвени да соборат американски авиони доколку се движат во близина на Северна Кореја, дури и ако тие летаат во меѓународен воздушен простор.
И ова предупредување на Хо доаѓа откако САД за време на викендот испрати свои авиони близу базата во Гуам.
По средбата со премиерот на Шпанија, Мариано Рахој, Трамп рече дека Америка е целосно подготвена ако треба воено да дејствува и дека Северна Кореја ќе се соочи со „уништување“.
„Ако преземеме таква опција тоа ќе биде уништувачки, уништувачки за Сверна Кореја“, рече Трамп стоејќи покрај Рахој.
Според него, Ким Јонг Ун се однесува многу лошо.
„Тој се однесува многу лошо. Зборува за работи кои никогаш не треба да бидат кажани“, рече Трамп.
Воедно американскиот претседател се пожали и дека ситуацијата со Северна Кореја била во хаос и поради администрацијата на Барак Обама.
„Ќе го поправам хаосот. Ќе видиме што ќе се случува“, подвлече претседателот на САД, Доналд Трамп.
Реториката меѓу САД и Северна Кореја е се поцврста по првиот говор на Трамп на Генералното собрание на ОН, каде за прв пат без дипломатски речник, го нарече Ким „човекот ракета“ и потенцираше дека „целосно ќе ја уништи Северна Кореја“ ако продолжи со нуклеарните тестирања.