Каталонскиот парламент ќе ја игнорира забраната на шпанскиот суд и во понеделник ќе одржи расправа, објави претседателот на каталонската влада за надворешни работи Раул Ромева.
-Парламентот ќе се состане и ќе одржи расправа, изјави Ромева за Би Би Си.
Ова е прв јасен одоговор од каталонската влада на одлуката на шпанскиот Уставен суд вчера со која се суспендира седницата на парламентот закажана за понеделник.
Во меѓувреме лидерот на Каталонија Карлес Пучдемон, најави сесија на Парламентот за во вторник, на која најверојатно ќе се расправа за прогласување независност.
Шпанскиот премиер Мариано Рахој понуди меѓупартиски разговори за пронаоѓање решение, со што ја отвори вратата за спогодба со која на Каталонија би и се дала поголема автономија. Тој ја отфрли независноста како опција и каталонскиот предлог за меѓународно посредништво.
Пратениците од шпанската владејачка партија тврдат дека Рахој планира да се повика на Уставот за да го распушти регионалниот парламент и со тоа да предвизвика одржување на нови избори во регионот, доколку владата прогласи независност.
Ромева за Би Би Си рече дека кризата може да се реши само по политички пат, а не преку судството.
Неговите изјави предизвикаа пад на шпанските акции и обврзници, како и уделите во двете најголеми каталонски банки.
Забраната на уставниот суд ја продлабочи една од најголемите кризи кои ја погодина Шпанија од воспоставувањето на демократијата во 1975 година, по смртта на Франциско Франко.
Каталонските политичари по неделниот референдум се обврзаа дека на седница в понеделник едностано же објават независност. Тензиите дополнително би можеле да се зголемат по повикот на шефот на каталонската полиција во шпанскиот врховен суд за да одговори на обвинувањата за потткнување бунт со тоа што не ја спроведл судската одлука за забрана на референдумот.