Ваквата одлука на Техеран следува откако минатиот месец, неколку дена по референдумот, Иран ги прекина сите летови од и кон аеродромите во Ирачки Курдистан и спроведе воени вежби близу границата со регионот.
Најавата за затворање на границата доаѓа откако денеска иранскиот генерал-мајор Касем Солејмани пристигна во Ербил, во мисија да посредува за отпочнување на преговори за надминување на кризата меѓу курдските регионални власти и централната Влада во Багдад, предизвикана со одржувањето на референдумот.
Солејмани е командант иранскиот Корпус на исламската револуционерна гарда, задолжен за задгранични операции, кои опфаќаат обука и доставување оружје на ирачките шиитски паравоени групи, кои ја поддржуваат Владата во Багдад.
Според западни извори, Солејмани е и воен советник на ирачката Влада и лани учествувал во операцијата на Вооружените сили на Ирак за ослободување на градот Фалуџа од групата Исламска држава.
Солејмани се наоѓа на листата на ОН на лица на кои им е забрането да го напуштат Иран.