Каталонскиот претседател Карлес Пучдемонт го информираше утринава шпанското раководство дека Каталонија не прогласила независност но дека тоа ќе се случи ако Мадрид продолжи со репресија кон регионот и ако ја одземе неговата автономија.
“Ако владата продолжи да го спречува дијалогот и продолжи со репресијата, Парламентот на Каталонија ќе може, доколку смета дека тоа е потребно, да гласа за формална декларација за независност која не ја изгласа на 10 октомври”, напиша Пучдемонт до Рахој.
Одговорот на Мадрид беше брз. Констатирајќи го одбивање на Пучдемонт да одговори на барањата на Владата, таа соопшти дека го активира членот 155 од шпанскиот Устав и со тоа процедурата за одземање на автономијата на Каталонија.
“Владата ќе продолжи со чекорите предвидени во членот 155 од Уставот за да ја врати законитоста” во Каталонија.
Овој чекор ќе биде преседан од усвојувањето на шпанскиот Устав во 1978 година.
Тензијата помеѓу Мадрид и Барселона продолжува да се влошува. На почетокот на оваа седмица без уапсени две значајни личности на движењето за назависност на Каталонија. Тие се обвинети за побуна поради тоа што во септември ги охрабриле демонстрантите да го блокираат излезот на зградата во која шпанската полиција вршела претрес. Со тоа полицијата не можела да излезе од зградата во текот на повеќе часови.
Од денот на овие апсења во Барселона секој ден има се помасовни протести со кои Каталонците бараат ослободување на уапсените.