ОН денеска ја отворија донаторската конференција за да се обезбедат 434 милиони долари помош за народот Рохинга кои доживуваат егзодус од Мајнмар во Бангладеш.
Донаторската конференција се одржува во Женева, а со неа претседаваат ЕУ и Кувајт, и е дел од напорите за собирање на овие средства до февруари следната година.
Над 600.000 припадници на оваа малцинска муслиманска етничка група досега побегнаа од насилствата во северната мјанмарска држава Ракајн од август, со што вкупниот број на Рохинга бегалци во Бангладеш порадна на 900.000 вклучувајќи ги и оние од најновиот бран.
Вкупно 100 милиони долари се упатени или ветени пред отворањето на конференцијата, а ЕУ најави и дополнителни 30 милиони евра.
-Овде сме бидејќи за жал потребите се поголеми од она што можеме да го пружиме од моменталните ресурси, изјави на конференцијата заменик директорката на Светската програма за храна Елизабет Расмусон.
Амбасадорот на Бангладеш во ОН Шамим Ахсан рече дека во моментов во Бангладеш има речиси милион Рохинги бегалци што го опиша како неиздржлива ситуација.
Ахсан истакна дека Бангладеш продолжува со напорите со Мјанмар за да се најде трајно решение за кризата, но дека Мјанмар продолжува со „пропагандата со која Рохингите ги претставува како илегални мигранти од Бангладеш“.
Средствата собрани на донаторската конференција ќе ги користат 900.000 бегалци како и околу 300.000 локални жители на областа Кокс Базар во Бангладеш на границата со Мјанмар.
Локалната заесница и владата на Бангладеш добија големи пофалби за одговорвот на приливот на Рохинги бегалци, посебно затоа што границата цело време ја држат отворена.
Бегалците припадници на Рохинга народот во голем брпј почнаа да бегаат во Бангладеш откако ексремистичките напади на мјанмарските сили во државата Пакајн предизвикаа силен одговор на војката против оваа заедница.
Рохингите со децении се систематски лишувани од основните права во мнозинско будистичкиот Мјанмар, а во последниот бран остри мерки мјанмарските сили за безбедност пукаа врз ненаоружаните цивили вклучувајќи и деца и спроведуваат сексуално насилство, како што заклучија истражителите на ОН.
Неодамна ОН објавија видео на кое се прикажува егзодусот на Рохингите.