Баерн Минхен го претрпе вториот пораз во сезоната, прв под водство на Јуп Хејнкес по девет победи во низа во сите натпреварувања. Борусија во Менхенгладбах ги совлада Баварците со 2:1 во последниот меч од саботната програма во рамки на 13. бундеслигашко коло за враќање на неизвесноста во борбата за највисок пласман на табелата.
Азар во 39 минута од белата точка осигура предност за Борусија Менхенгладбах. На најстрогата казна претходеше игра со рака на Цуле во сопстевниот казнен простор. Домашните до паузата успеаја да постигнат и втор гол (Гинтер 44′), а единствениот за германскиот првак беше дело на Артуро Видал во 74 минута.
На фудбалерите на Борусија Дортмунд, пак, малку им беа четири гола предност по првото полувреме против Шалке. Обамејанг во 12 минута, Стамбули во 18. (автогол), Геце во 20. и Гереро во 25. погодија за капитално водство на „милионерите“ кои, сепак, го прокоцкаа во продолжение на мечот.
Гостите од Гелзенкирхен возвратија со идентична мера во вториот дел пришто бодот го обезбедија во четвртата минута од судиското екстра време по реализацијата на Налдо. Мрежата на домашните претходно ја тресеа и Бургшталер во 61 минута, Харид во 65. и Калигури во 86.
Бундеслига, 13 коло
Борусија Менхенгладбах – Баерн Минхен 2:1
Лајпциг – Вердер 2:0
Фрајбург – Мајнц 2:1
Ајнтрахт – Баер Леверкузен 0:1
Борусија Дортмунд – Шалке 4:4
Аугсбург – Волфсбург 2:1
Хановер – Штутгарт 1:1
Недела
Хамбургер – Хофенхајм (15,30 ч.)
Келн – Херта (17,30 ч.)
Табела: Баерн М. 29, Лајпциг 26, Шалке 24, Борусија М. 24, Борусија Д 21, Баер Л. 20, Хофенхајм 20 (-1), Аугсбург 19, Ајнтрахт Франкфурт 19, Хановер 19, Штутгарт 17, Мајнц 15, Волфсбург 14, Херта 14 (-1), Фрајбург 13, Хамбургер 10 (-1), Вердер 8, Келн 2 (-1).