Американскиот претседател Доналд Трамп изјави дека според резултатите на најновите анкети тој е популарен колку и неговиот претходник,Барак Обама, на крајот на првата година од мандатот.
Трамп на Твитер напиша дека изразува жалење што медиумите известуваат дека „наводно има слаба поддршка“ и дека Обама тогаш не се соочувал со негативно известување и лажни вести за Русија.
Како што наведе, резултатите од анкетата за Фокс Њус покажале дека на 28. декември годинава неговиот рејтинг бил приближно ист како и рејтингот на Барак Обама како претседател на 28. декември 2009 година, а кој тогаш уживаше поддршка од 47 проценти од испитаниците.
Според резултатите на анкетата, Трамп го поддржуваат 46 проценти од анкетираните, додека 53 отсто нема добро мислење за него, пренесува „Политико“.