Мал свет на Севернокорејци се крие во предградијата на Санкт Петербург во Русија, објави Си Ен Ен.
Се работи за работници кои се „затворени“ во руинирани згради, но не како бездомници туку како работници во фабрики.
Според проценките, околу 50.000 Севернокорејци работат во Русија, а според американските дипломати, 80 отсто од нивната заработка се праќала во Пјонгјанг за потребите на режимот на Ким Јонг Ун.
Според Обединетите Нации, околу 500 милиони долари годишно одат кај Ким Јонг Ун само од заработката на Севернокорејците кои се надвор од изолираната држава, а тој пак ги користел за својата нуклеарна програма.
Последната резолуција изгласана во ОН, според последните санкции, сите Севернокорејци кои работат во други држави, треба да им биде прекинат работниот однос до 2019 година и да бидат испратени назад.
Санкциите усвоени во декември минатата година, го забрануваат увозот на нафтата во државата а забранет е и било каков извоз на Северна Кореја.
Но и покрај тоа што стана изолиран режим, Ким Јонг Ун нема намера да ја стопира својата нуклеарна програма.
За тоа беше јасен во своето новогодишно обраќање кога рече дека копчето за нуклеарка постојано му било на бирото во неговата канцеларија.