Одложено е денешното рочиште судскиот процес што се води за Љупчо Стојановски, кој се товари за обид за убиство на поранешниот министер за здравство, Никола Тодоров.
Апелација му наложи на Судот да ги провери лиценците на вештаците, па рочиштето беше одложено за 14 февруари.
Во изјава за новинарите, адвокатката на Стојановски истакна дека во случајот како сведок ќе биде предложена и мајката на починатата Тамара Димовска, која денеска беше присутна во судот.
Во судот, исто така беше и поранешниот министер за здравство Никола Тодоров.
Првото рочиште беше одложено, бидејќи одбраната го оспори вештачењето на Обвинителството на психичката состојба на дедото, бидејќи било изработено од вештаци со истечени лиценци.
Стојановски на 1 јуни минатата година пукаше во поранешниот министер за здравство, Тодоров.
Тој е дедо на Тамара, девојчето од Велес, кое почина чекајќи операција во странство.