Турските сили во понеделникот ја гранатираа северната област од Сирија, Африн во која живеат околу еден ипол милиони Сириски Курди, со цел создавање „30-километарска зона за безбедност, заштитена од терористи“.
Лондонската Сириска опсерваторија за човекови право соопшти дека во областа што е под контрола на курдската милитантна група загинале најмалку 11 цивили.
Заменик-премиерот на Турција, Мехмет Шимшек рече дека воената офанзива ќе послужи за намалување на ризикот од тероризам на Турција.
Анкара ја обвини милитантната група ЈПГ за поврзаност со бунтот во Турција. Турскиот премиер Бинали Јилдирим вели дека целта на операцијата е да се воспостави 30-километарски безбедносен кордон во областа Африн за да се заштитат турските градови од напади.
Јилдирим тврди дека ракетниот напад во саботата на турскиот граничен град Килис ја истакнува потребата за ваков кордон.
Како одговор, сириската влада ги дефинираше активностите на Турција како мешање во суверенитетот на земјата.
Во неделата, друг граничен град Рејханли, наводно, бил погоден од ракети. Турските медиуми, исто така, објавија дека турските војници се судриле со курдските милитанти сили, на три километри од Сирија. ЈПГ тврдат дека сузбиле турски напад. Не се објавени бројки за жртви.