Искусниот американски дипломат Бил Ричардсон поднел оставка од меѓународниот панел задолжен за проценки и советувања на лидерката на Мјанмар, Онг Сан Су Ки, за кризата со народот Рохинга.
Според Ричардсон, на лидерката на Мјанмар и фали морал по ова прашање и панелот функционирал само за манипулација.
Ричардсон, кој важи за долгогодишен пријател на Су Ки, вели таа била многу лута кога тој го покренал случајот за двајца репортери на Ројтерс кои се на судење во Мјанмар.
Во кризата со Рохинга, повеќе од 650.000 припадници на овој народ минатата година заминаа во Бангладеш од страв од прогон.
Според Обединетите Нации, прогонот и насилствата врз народот Рохинга во Мјанмар, е пример од книгите за тоа што значи „етничко чистење“.
Ричардсон посочува дека неговата пријателка се однесувала како да води тим од мажоретки.
Според Владата со која раководи канцеларката Су Ки, Ричардсон ја навредил неговата пријателка и упатил личен напад кон неа со неговото однесување.