Сенатот на Полска го одобри контроверзниот закон кој забранува Полјаците да бидат обвинети за учество во Холокаустот.
Тоа предизвика дипломатски спор со Израел и повици од САД за повторно разгледување на нацрт-закон што се смета за закана за слободата на говорот.
Израелското Министерство за надворешни работи соопшти дека земјата “категорично се спротивставува“ на гласањето во полскиот Сенат во однос на регулирање на говорот за Холокаустот.
Исто така се додава дека нема закон кој ќе ги измени фактите.
Израел го гледа овој потег како обид да ја омекне улогата на некои Полјаци во убиствата на Евреите за време на Втората светска војна.
Предлог-законот предложен од владејачката конзервативна партија во Полска бара до три години затвор за секој намерен обид лажно да ги припише злосторствата од нацистичка Германија на полската држава или народ. Од тоа се иззема уметничката и истражувачката работа.
Сенаторите од Полска сметаат дека законот го заштитува полскиот народ и државата.