Eвропскиот парламент (ЕП) денеска треба ќе гласа за предлогот чија цел е да го определи ризикот за нарушување на европските вредности во Полска.
Со тоа ЕП би дал „зелено светло“ за да може Советот на министри да утврди дали ваков ризик постои.
Во историјата на ЕУ оваа долга и комплексна процедура не била применета.
На оваа тема вчера на пленарна седница европратениците дебатираа на таа тема.
Мнозинството министри за надворешни работи на ЕУ вчера ја поддржаа Европската комисија (ЕК) во нејзината акција против полската влада, кога во декември одлучи да го активира членот 7 од Европската повелба, популарно наречен “нуклеарна опција” и кој треба да и го одземе на Полска правото на глас.
Претходно, сите министри го поддржаа потпретседателот на ЕК Франс Тимерманс, функционерот задолжен за полското досие, освен Унгарија која и ја дава сета поддршка на Варшава.
ЕК е загрижена поради реформите во полскиот судски систем кои се однесуваат на Уставниот суд, Врховниот суд, Националниот совет на судии и другите судови во земјата. Според Комисијата тие реформи ќе го политизираат судството и ќе го ослабнат. Комисијата и даде на Полска рок до 20 март за да донесе амандамни на законите во оваа област.
Тимерманс изјави дека Полска има право да го реформира своето судство, но тоа мора да биде направено според стандардите на ЕУ.
Комисијата и полската влада отворија дијалог, но според Тимерманс, вистинскиот дијалог мора да донесе резултати:
– Сега имаме нова ситуација и сега имаме дијалог со Полска. Но, дијалогот е корисен само ако донесе резултати. Го чекам одговорот од Полска за да видиме дали има шанса за напредок, рече Тимерманс.
Одговорот од Полска се уште не пристигнал во Брисел.