Published: Friday, April 6, 2018 13:53
Претседателот на САД Доналд Трамп побара да се разгледа можноста да се воведат дополнителни тарифи за увозните производи од Кина во вредност од 100 милијарди долари, соопшти Белата куќа.
Оценувајќи го овој потег како „драматична ескалација на односите меѓу двете земји“ агенцијата АП наведува дека веста стигнува само ден после објaвата на Пекинг дека ќе ги зголеми царините на производите кои се увезуваат од САД, во вредност од 50 милијарди долари, како одговор на претходната одлука на Вашингтон за зголемување на увозните давачки за кинеските производи.
Трамп, исто така дал налог до државниот секреатар за земјоделство да „спроведе план за заштита на домашното земјоделство“.
Во вторникот, на 3 април, САД соопштија дека ќе воведат царина од 25 проценти на кинеска стока во вредност од 50 милијарди долари, на што Пекинг одговори со објавувањето на листа на американски увозни производи, исто така вредни 50 милијарди, на кои ќе се применува царина во ист процент од 25 проценти.На кинеската листа се најде и сојата, која има најголем удел во американскиот извоз во Кина, потоа авионите со тежина до 45 тона, американското виски, патнички автомобили и индустриски хемикалии.