Средношколци од три скопски училишта „Никола Карев“ , Орце Николов“, и „Васил Антевски Дрен“ се дел од иницијативата на Коалицијата „Маргини“, „КонтраБулинг“ , која го опфаќа проблемот со „булинг“ кое е родово базиран или пак хомофобичен и трансфобичен.
Ваквата иницијатива отвoра нов дијалог за една многу честа појава за која ретко јавно и гласно се зборува.
-Ние како здружение на граѓани само ја поставивме платформата и обуката,а самата иницијатива е смислена, организирана и имплеметирана од средношколци, вели Ирена Цветковиќ од Коалиција Маргини.
Таа истакна дека во образовен систем во Македонија постојат жаришта и дека училиштата веќе долго време не се безбедни иако мислиме дека се. Во рамки на секое училиште постои родово базирано насилство и булинг кој е во различни форми, сексулано, вербално, психолошко и не успеваме да го препознаеме а тоа е првиот чекор. Откако ќе се препознае овој проблем треба да се разбере и да се најде решение.
„Досега најголем фокус во поглед на безбедност на училиштата се ставало на физичко и етничкото насилство. Кај нас вербалното насилство се толелира и не само тоа туку се смета за детска игра, па дури и се потикнува.Но истражувањаата покажуваат дека жртвите на насилство имаат страшни последици, во личниот раст и развој и резултатите и ефектите се гледаат на долг рок, “ додаде Цветковиќ.
Средношколците преку учеството во оваа иницијатива укажуваат дека навредите, понижувањата и упатувањето на погрдни зборови треба да престане да биде секојдневие на младите.
Една од идеите на учениците беше да се испита состојбата во училиштата во врска со родово-заснованото насилство кај своите соученици.
Истражувањето направено на 333 средношколци од трите училишта, укажува дека дури 207 од испитаниците биле омаловажувани, а дури на една третина од нив им била ограничена слободата.
Повеќе од половина од испитаниците сметаат дека во нивното училиште има родово базирано насилство.
Истражувањата на средношколците укажуваат на тоа дека меѓу нив има и такви кои кои нарекувале некако со погрдни имиња,правеле сексуални шеги и кажувале лаги за своите соученици.
Средношколците од трите скопски училишта кои беа опфатени во оваа кампања изработија и видеа преку кои пренесуваат порака дека „булингот“ во училиштата треба да престане.
Ова е пилот проект кој опфатил три училишта, но „Коалиција Маргини“ ќе продолжи да работи и во другите училишта и со сите засегнати страни, како и институции на системот и МОН во насока на развивање системски решенија со цел училишната средина да биде безбедна и да гарантира личен раст и развој на секој ученик колку и да е тој поразличен од другите.