Александар Трајковски, кој минатата недела во Будимпешта беше фотографиран со осудениот екс премиер во бегствоНикола Груевски, на паузата од денешното рочиште за насилствата во Центар каде што е обвинет, изјави дека бил во Унгарија на специјалистички преглед за синусите и дишните патишта, но не кажа зошто токму во оваа земја.
Тој рече дека бил на лекување во „Дуна медикал“ и нановинарите им покажа документација и сметки за платениот преглед. Не ја коментираше средбата со Груевски.
-Да бев еден чекор назад, немаше да се знае дека сум во Унгарија, изјави Трајковски.
На денешното рочиште тој ја носеше и медицинската документација која според него му треба да го затвори боледувањето, кое го користи од 5 декември.
При доаѓањето во судот денеска, Трајковски ги игнорираше новинарските прашања.