Трајковски не сака да ја коментира посетата кај Груевски во Будимпешта

Александар Трајковски кој беше фотографиран со Никола Груевски во Будимпешта денеска се појави на рочиште за „Насилството во Центар“ каде е еден од обвинетите заедно со бегалецот Груевски, но одби да одговори на новинарските прашања.

Трајковски е вработен во Царинската управа на Република Македонија,  и откако беше објавено дека е во Будимпешта, оттаму информираа дека тој е на боледување од 5. декември. Од Царината најавија дека ќе се утврдува дали боледувањето му е оправдано. Доколку се работи за злоупотреба, ќе бидат презмени мерки меѓу  кои и дисциплинска постапка.