Кристијанстад е претпоследна обврска за Вардар во групата А во Лигата на шампиони во ракомет. Мечот вo Шведска е попладнево од 19 часот и во случај на победа „црвено-црните“ ќе останат на третото место на табелата и ќе задржат шанси на крајот да бидат и втори за што, сепак, се прашува и Веспрем. Условот за тоа што воедно ќе значи и релативно полесен ривал во осминафиналето е кикс на унгарскиот тим во еден од двата меча против Мешков Брест на домашен терен и на гости кај Кјелце. Вардарци, пак, покрај вечерашниот дуел го очекува и натпревар со Монпелје во СЦ „Јане Сандански“ во последното коло.
„Кристјанстад има нов тренер и покажа дека игра добро на домашен терен, спротивно од гостувањата. Затоа не знаеме што може да подготват, но и ние сме подготвени да играме како што знаеме“, вели Парондо.
Вуко Борозан не е дел од експедицијата во Шведска и остана во Скопје на посебен режим за целосна рехабилитација по повредата за шредизвиците што следуваат. Проблеми со повреди пријавија уште неколку ракометари, но тренерот Роберто Гарсија Парондо ги поведе на пат и најави дека ќе бидат во комбинација за Кристијанстад вечерва.
Вардар го совлада Кристијанстад во првиот меч во оваа сезона во Скопје со 33:25.