Температури под нула утринава се измерени во целата држава. Најладно е во Маврово каде температурата во седум часот била -15 степени.
Во Крушево и Лазарополе се измерени -14 степени, во Берово -13, во Пожаране и Ѓуриште -11, во Крива Паланка, Петровец и Тополчани -9, во Тетово и Прилеп -8, во Претор, Битола, Зајчев Рид и Куманово -7, во Охрид, Штип и Виница -6, во Демир Капија -5, во Дојран и Струмица -4 и во Гевгелија -2 степена.
Во текот на денот облачноста ќе се намалува и ќе преовладува сончево време со мала до умерена облачност и со умерен северен и североисточен ветер. Максималната температура ќе достигне од -1 до 6 степени.
Слично време и во Скопје со максимална температура до три степени.
За следниот период, синоптичарите најавуваат суво време, но и ниски утрински температури со умерен северен ветер. Дневните температури ќе бидат во благ пораст, а од средината на наредната седмица ќе има и позначително зголемување.