Тим Хенман повлече паралела меѓу водечката тројка на АТП ранг листата со познатите брендови на автомобили. Легендарниот британски тенисер во разговор за „Сандеј Тајмс“ со споредба на Рафаел Надал, Новак Ѓоковиќ и Роџер Федерер со „ѕверови“ на четири тркала.
„Рафа Надал е суров, гласен и мускулест. Едноставно тој е животно. Делува застрашувачки. Не е како Ламборџини. Тоа би биле премногу префинето. Ѕвер е, повеќе е како болид во Формула 1“, рече Хенман за шпанскиот ас.
Следно прашање се однесуваше на Новак Ѓоковиќ за кого Хенман даде интересен одговор. Српскиот тенисер го оцени со производ од погоните на „Тесла Моторс“.
„Неверојатно е брз и ефикасен, но не е баш најелегантен“, изјави Британецот кој ја прифати споредбата на Ѓоковиќ со американскиот производител на автомобили со седиште во Пало Алто во Калифорнија.
За крај го остави Роџер Федерер за кого имаше пофални зборови.
„Роџер, исто така, е многу силен, но и максимално избрусен. Кога тој игра, сè изгледа едноставно и совршено“, рече поранешниот британски адут на АТП турот.
Хенман почна со тенис во 1992 година како аматер за веќе наредната да навлезе во професионални води. Се пензионира во септември во 2007 година со 11 АТП титули, но ниту еднаш не успеа до гренслем трофеј. Негов најдобар пласман на Австралија опен беше четвртото коло (2000 година, 2001 година, 2002 година), а полуфиналето беше негов краен домет на Ролан Гарос (2004 година), на Вимблдон (1998 година, 1999 година, 2001 година, 2002 година) и на Ју-Ес опен (2004 година).