Валенсија ја „прегази“ Алба со 89:63 (по четвртини: 17:18, 29:15, 17:11, 26:19) во „мајсторката“ од финалната серија во кошаркарскиот Еврокуп за четврти трофеј во натпреварувањето и обезбедено место во Евролигата за сезоната 2019/20.
Шпанскиот состав го доби првиот меч со 89:75, Алба возврати во Берлин со 95:92, па одлуката за новиот освојувач на Еврокупот падна во салата „Фонт де Сан Луис“ во кој се прашуваше само една екипа. Неизвесна понудија само воведните десет минути од финалната пресметка.
Останатите пола час игра минаа во знак на Валенсија која во клупските витрини заслужено смести уште еден пехар со потпис „Еврокуп“ по 2003 година, 2010 година и 2014 година што ја прават апсолутен рекордер. За бундеслигашот, пак, ова е второ загубено финале по 2010 година во кое на патот до тронот, исто така, му стоеше шпанскиот клуб.
Мет Томас беше најефикасен во победничката екипа со 19 поени, Бојан Дуљевиќ и ветеранот Фернандо Сан Еметерио уфрлија по 18. Први стрелци кај екипата на Алба, на која ` преостанува да брка евролигашко членство преку домашното првенство, беа Рокас Геидраитис со 19 коша и Пејтон Сива со 14. Признанието МВП на финалната серија го понесе Вил Томас.