Филипо Инзаги е нов тренер на Беневенто. Легендарниот напаѓач на Јувентус и на Милан потпиша едногодишен договор со екипата од стадионот „Чиро Вигорито“ со можност за продолжување на соработката во случај на взаемно задоволство од сработеното.
Негова главна цел ќе биде пласман во Серија А, мисија што не успеа да ја реализира Беневенто во изминатата сезона во која заврши на третото место на табелата и во разигрувањето се соочи со елиминација од Читадела.
Беневенто е трета станица во тренерската кариера на Инзаги. Претходно беше на клупата на Милан, а до оваа зима ја предводеше и Болоња.
Инзаги е роден во Пјаченца во 1973 година. Најголема трага во фудбалската кариера оставио во дресот на Јувентус во кој одигра, во периодот 1997 година – 2001 година, одигра 57 меча и постигна 120 гола. Потоа следуваше трансфер во Милан во чии редови се задржа повеќе од една деценија (2001 година – 2012 година). За „росонерите“ забележа 202 настапа што ги круниса со 73 погодоци.