Ливерпул делуваше како машина за голови во првото полувреме против Норич во воведниот меч од 28. сезона во Премиерлига. Европскиот шампион постигна четири гола до паузата, во второто го намали притисокот и апсолутно заслужено славеше со 4:1 над ривалот од истокот на Англија кој е повратник во елитното фудбалско друштво на Островот.
Голеадата на „Енфилд“ ја отвори Хенли со автоголот во 7. минута, во 19. минута во листата на стрелци се запиша Мохамед Салах, во 28. минута погоди Вирџил ван Дајк, а во 42. минута и Дивок Ориги. Почесниот за пополарните „канаринци“ го постигна Финецот Тему Пуки во 64. минута.
https://www.youtube.com/watch?v=1MkwYsUHKww
Ова беше одлична генералка за избраниците на Јирген Клоп пред УЕФА Суперкуп дуелот во среда против Челзи во Истанбул каде, секако, ќе сакаат освојување на првиот трофеј во сезоната во што не успеаја против Манчестер сити во „Комјунити шилд“ мечот.
Премиерлига, 1 коло
Ливерпул – Норич 4:1
Сабота
Вест Хем – Манчестер сити (13.30 ч.)
Борнмут – Шефилд јунајтед (16 ч.)
Барнли – Саутемптон (16 ч.)
Кристал палас – Евертон (16 ч.)
Вотфорд – Брајтон (16 ч.)
Тотенхем – Астон Вила (18.30 ч.)
Недела
Лестер – Вулверхемптон (15 ч.)
Њукасл – Арсенал (15 ч.)
Манчестер јунајтед – Челзи (17.30 ч.)