Реал Мадрид се провлече во вториот меч во Лигата на шампиони во оваа сезона. По убедливите 3:0 за ПСЖ во Париз, „кралевите“ вечерва ремизираа (2:2) со Бриж и остана на последното место на табелата во групата А. Но, исходот е рамен на пораз ако има предвид апсолутната фаворитска улога што ја имаше составот на Зинедин Зидан, победничкиот императив што сам по себе се наметна и, конечно, настапот на домашен терен.
https://www.youtube.com/watch?v=xRQekFRqPkI
Двоен стрелец за гостите од Белгија беше младиот Нигериец Емануел Денис во 9. и во 39. минута. Реал во второто полувреме, сепак, избегна бламажа во својот дом и со головите на Серхио Рамос во 55. минута и на Каземиро во 85. минута. Бриж во последните десетина минути, сметајќи го и судиското надополнување, играше со фудбалер помалку по исклучувањето на Вормер што домашните не успеаја да го искористат со трет гол.
Шахтјор, пак, во Милано ја совлада Аталанта со 2:1. Дуван Запата реализира за калчолигашот од Бергамо додека Жуниор Мораеш во 41. минута и Манор Соломон во 95. минута погодија за екипата од Доњецк.