Европската унија ќе формира централно тело за борба против перење пари по низата скандали што укажаа на слабостите на Европа во справување на протокот на „валкани пари“ преку нејзините банки.
Министрите за финансии на блокот се очекува и официјално да ја овластат Европската комисија да даде препораки за новото „независно“ извршно тело со „директни овластувања“, се вели во нацрт-изјавата, што треба да биде одобрена на состанок во декември.
Мисијата на телото е да биде полициска финансиска институција во согласност со правилата на ЕУ за длабоки проверки на купувачи и други гаранции. Најгласни во заложбите за новото тело за избегнување на нови кризи се Франција и Холандија.
Европа ја погодија неколку скандали од кои најголем беше „перењето“ на 30 милијарди евра руски пари од Данска банка.