Баер Леверкузен ја запиша деветтата победа во сезоната во Бундеслигата и се врати на шестата позиција на табелата која води во Европа. „Аптекарите“ без поголеми проблеми го средија последнопласираниот Падерборн со 4:1, а трите бода на „Бентелер арена“ ги осигураа во воведните 15 минути од средбата.
Двапати погоди најдобриот стрелец во тимот, Кевин Фоланд (11 и 14 минута) додека во листата на стрелци со паузата се додаде и Баумгатлингер во 36. минута. Продолжението на натпреварот донесе по гол на обете страни. Србени во 51. минута намали на 1:3, точката на победата на Баер Леверкузен стави Хаверц во 75. минута.
Победа со четири гола, но без примен, попладнево забележа и Баерн Минхен кој во целост ја оправда фаворитската улога на гостувањето кај Херта. Сите реализации на Баварците дојдоа во второто полувреме во кое од 60. до 84. минута погодија Милер (60’), Левандовски (73’ од пенал), Алкантара (76’) и Перишиќ (84’).
Лидер на табелата во Бунндеслигата е Лајпциг со 40 бода, четири повеќе од Баерн Минхен. По нив следуваат Борусија Менхенгладбах со 35, Борусија Дортмунд со 33, колку што има и Шалке на петтото место.
Бундеслига, 18 коло
Падерборн – Баер Леверкузен 1:4
Херта – Баерн Минхен 0:4
Аугсбург – Борусија Дортмунд 3:5
Фортуна Дизелдорф – Вердер 0:1
Келн – Волфсбург 3:1
Хофенхајм – Ајнтрахт Франкфурт 1:2
Мајнц – Фрајбург 1:2
Лајпциг – Унион Берлин 3:1
Шалке – Борусија Менхенгладбах 2:0
Табела: Лајпциг 40, Баерн Минхен 36, Борусија Менхенгладбах 35, Борусија Дортмунд 33, Шалке 33, Баер Леверкузен 31, Фрајбург 29, Хофенхајм 27, Волфсбург 24, Аугсбург 23, Ајнтрахт Франкфурт 21, Унион Берлин 20, Келн 20, Херта 19, Мајнц 18, Вердер 17, Фортуна Дизелдорф 15, Падерборн 12.