Најмалку шест лица се убиени, а неколку повредени во пукотница што попладнево се случи во градот Рот ам Зе, недалеку од Нирнберг, во германската сојузна држава Баден-Виртемберг, јавуваат медиумите.
Германската полиција на Твитер објави дека е во тек голема акција и според информации во дел од тамошните медиуми, напаѓачот е приведен. Првичните претпоставки се дека немал соучесници во нападот, како и дека најверојатно ги познавал жртвите.
„Осомничениот е уапсен“, изјави Холгер Бинерт, портпаролот на германското МВР, без да потврди колку лица се убиени.
Полициските власти засега ја исклучуваат опцијата тероризам, а како мотив на нападот се наведува „семејна расправија“. Во некои од германските медиуми, како причина за крвавиот пир стои „љубомора“, „Билд“, пак, објави дека напаѓачот е на возраст од 30 години.