Published: Saturday, February 29, 2020 09:51
Премиерот Оливер Спасовски во придружба на министерот за информатичко општество и администрација, Дамјан Манчевски, одржаа средба со претставници на Здружението на информатичко-комуникациски технологии кое ги обединува сите кабелски оператори на која е постигната согласност за одложување на најавениот прекин на реемитување на домашните и странските телевизиски канали.
Како што наведува во соопштението од владината прес-служба, ова е договор со оглед на можностите што се гледаат за скорешно изнаоѓање решение.
„На средбата е разговарано за сите аспекти на и што произлегуваат од измените на Законот за аудио и аудивизулени и медиумски услуги“, стои во соопштението.
Констатирано е дека постојат можности за изнаоѓање на заедничко прифатливо решение во скоро време, како и свесност од сите страни за решавање на прашањето, согласно интересот на државата и на граѓаните.Прекинот на реемитувањето на сите домашни и странски ТВ канали беше најавен за 2 март на полноќ, со исклучок на каналите на јавниот сервис МТВ1, МТВ2 и Собраниски канал.