Британскиот премиер Борис Џонсон е позитивен на коронавирус, јавува „Би-Би-Си“. Тој има благи симптоми на болеста и се наоѓа во изолација на „Даунинг Стрит“ се вели во веста.
Набрзо по веста на „Би-Би-Си“ со видео на Твитер се обрати и самиот Џонсон кој потврди дека развил благи симптоми на Ковид-19, како „температура и постојана кашлица“, во последните 24 часа и по совет на главниот медицински службеник, тој направил тест што бил позитивен.
Over the last 24 hours I have developed mild symptoms and tested positive for coronavirus.
I am now self-isolating, but I will continue to lead the government’s response via video-conference as we fight this virus.
Together we will beat this. #StayHomeSaveLives pic.twitter.com/9Te6aFP0Ri
— Boris Johnson #StayHomeSaveLives (@BorisJohnson) March 27, 2020
Џонсон нагласи дека веднаш се самоизолирал и работните обврски ги извршува од дома. Тој рече дека благодарение на „волшебството на модерната технологија“, тој ќе продолжи да ја води националната борба против вирусот.
Притоа изрази заблагодарност до националниот здравствен систем и сите кои работат на спречување земјата да мине низ пандемијата и повтори дека останувањето дома е основно за запирање на ширењето на вирусот.