Поради стрес од самоизолација: Се самоуби тинејџерка во САД

Тинејџерка од Калифорнија извршила самоубиство, како што се претпоставува, поради тоа што не можела да се избори со стресот во самоизолација. Мерката во САД е воведена за спречување на ширењето на коронавирусот од кој, досега во земјата, починаа повеќе над 21.000 луѓе.

Џо Смит, на возраст од 15 години, била пронајдена обесена во стан во Стоктон, а според медиумите, самоубиството го извршила поради насобран стрес во екот на пандемијата на ковид-19 и наредбата сите да останат дома.

Американските медиуми ги предупредуваат родителите дека мора да обрнат повеќе внимание на децата за да нема такви трагедии. Мајката на девојчето, Даниела Хант, со која живеела Џо, рекла дека не нашла проштално писмо.