Фирмите во кои ќе може да се обезбеди шалтерски систем на функционирање, во кој ќе биде можно да се воспостави ред, носење на заштитни маски и физичка дистанца ќе бидат приоритет во препораките за отворање со работа на утрешниот Централен штаб во Владата, најави меѓу другото министерот за здравство Венко Филипче на денешната прес-конференција.
Како што рече, меѓу првите кои би продолжиле со работа се размислува тоа да бидат, како на пример, едукативните центри кои организираат курсеви, авто-школите и обложувалниците. Но, како што нагласи Филипче, тоа би било случај само доколку се задржи трендот на просек на новозаболени од изминатите две недели, не сметајќи го вчерашниот ден.
Филипче се осврна и во сферата на спортот, при истакна дека размислувањата за продолжување со активности за почеток се однесува на индивидуалните спортови.
„Сето ова ќе биде предложено и ќе се разгледува состанот на Централниот штаб на Владата што е закажан за утре“, рече министерот за здравство.