Времето денеска ќе биде променливо облачно и натпросечно топло за овој период од годината. Претпладнето ќе биде со сончеви периоди, попладне и во вечерните часови на повеќе места ќе биде нестабилно со пороен дожд, грмежи, засилен ветер, а ќе има услови и за појава на град. Ќе дува умерен до засилен ветер од јужен правец кој до крај на денот, долж Повардарието, ќе се промени во северен.
Минималната температура ќе биде во интервал од 12 до 19 степени, а максималната ќе достигне од 25 до 31 степен. УВ индексот ќе изнесува седум.
Значително заладување ќе има во четврток, кога ќе преовладува облачно време со врнежи од дожд, особено претпладне. Ќе дува засилен северен ветер, па дневната температура ќе биде и за десет степени пониска во однос на денешната. Од петок до недела времето ќе биде стабилно со умерен северен ветер и со пријатни дневни температури.