Забраната и посебниот режим на движење за граѓаните на територијата на Република Северна Македонија од денеска престанува да важи. Одлука е донесена врз база на детална анализа за досегашниот тримесечен период по дијагностицирање на првото заболено лице со ковид-19 во земјава. Заклучок на Комисијата за заразни болести е дека препораките и алгоритмите соодветно се почитувале, при што преземените мерки покажале одредени резултати. Но, останува да важи задолжителното носење на заштитни маски и одржување на социјална дистанца од еден и пол до два метра.
Еден од факторите за намалувањето на рестриктивните мерки е намалениот морбидитет, морталитет, леталитет кој ги следи европските и светските трендови. Во однос на регистрираните случаи со ковид-19, тие се контролираат во постојана комуникација со медицинскиот тим. Во овој момент, 50 отсто од болничките капацитети се исполнети и има доволен број на легла, на заштитна опрема, како и на респираторни машини.