Published: Wednesday, June 3, 2020 11:14
Третиот сет економски мерки има за цел поттикнување на приватната потрошувачка, помош на граѓаните во овие тешки времиња, но и на домашните компании, особено во секторите што беа најпогодени со корона-кризата, истакна претседателот на комисијата за финанансии на СДСМ, Фатмир Битиќи за „Утрински брифинг“.
„Сетот мерки предвидува и платежни картички за околу 300.000 граѓани кои овој месец ќе ги добијат и картичките и парите“, рече Битиќи.
Тој додаде дека платформата преку која ќе се доделуваат картичките се финализира и врз основа на официјалните податоци на Агенцијата за вработување и на Министерството за труд и социјала и преглед од Управата за јавни приходи ќе врши распределбата на лицата кои ги исполнуваат условите.
„Право на платежна картичка со 9.000 денари имаат невработени и активни баратели на работа, заклучно со 22 мај, приматели на гарантиран минимален приход, без ограничување на возраста, но да немаат дополнителни приходи по никој основ, односно да не биде поголем од 15.000 месечно, или вкупно до 60.000 за периодот јануари-април“, појасни Битиќи.
Тој додаде дека платежна картичка со 3.000 денари ќе се доделува преку истата платформа и ќе може да ја добијат сите вработени граѓани со плата до 15.000 месечно, односно 60.000 во периодот јануари-апри годинава, а истите ќе добијат и ваучер за туризам.
Доделувањето на картичките и ваучерите е автоматизирано, бидејќи граѓаните кои ги исполнуваат условите се запишани и постојат во официјалните евиденции, истакна Битиќи за „Утрински брифинг“.
Кофинансирањето на обуки за ИТ вештини е влог во новата економија
Со кофинасирањето на обуки за ИТ и дигитални вештини сакаме да ги зајакнеме домашните ИТ компании и да поттикнеме формирање нови во овој сектор, бидејќи новата економија, која што ја најавуваме ќе изискува нови кадри, додаде Битиќи.
„Поддршката од 30.000 денари за кофинансирање на обуки аа ИТ вештини и дигитални вештини, како дел од третиот сет економски мерки на владата е наменета за млади лица до 29 години и треба да опфати од 7.000 до 10.000 млади. Ова е влог во новата економија, кој ќе им овозможи на младите да бидат лесно вработливи на ИТ пазарот, што е добро за нив, но и претставува поддршка за целата економија“, истакна Битиќи.