Шест починати лица, 153 новозаразени пациенти и 75 излекувани е ковид биланс во земјава во изминатите 24 часа, соопштуваат од Министерството за здравство (МЗ). Од таму информираат дека во изминатото деноноќие се направени 1.279 тестирања кои дадоа позитивни резултати кај 66 лица во Скопје, 20 во Тетово, по 13 во Куманово и во Штип, 12 во Ресен, по седум во Струга и во Охрид, шест во Кичево, три во Свети Николе, две во Прилеп и по едно лице во Битола, во Крива Паланка, во Кочани и во Пробиштип
Институтот за јавно здравје (ИЈЗ) денеска регистрира 75 оздравени пациенти и тоа во Скопје – 47, во Штип – 13, во Прилеп – 1, во Тетово – 3, во Струга – 2, во Велес – 1, во Охрид – 3, во Кавадарци – 1, во Гевгелија – 2, во Кочани – 1 и во Пробиштип – 1. Починати се шест лица – по еден пациент од Скопје, од Тетово, од Охрид и од Ресен и двајца од Штип.
Во ГОБ „8 септември“ по приемот е починат пациент на возраст од 53 години од Ресен. Починат е пациент од Скопје на возраст од 61 година, кој бил лекуван до 23 јуни. Во болницата во Штип починаа две лица – пациент на возраст од 80 години, кој бил хоспитализиран на 5 јуни и пациент на возраст од 75 години, кој бил хоспитализиран на 24 јуни. Во Општата болница во Охрид почина пациент на возраст од 68 години, хоспитализиран на 23 јуни. Денеска ИЈЗ евидентира и претходно починат пациент од Тетово на возраст од 79 години.
Вкупната бројка на ковид дијагностицирани лица во нашата земја од почетокот на епидемијата изнесува 5.595, бројката на оздравени пациенти е 2.166, на починати е 265, а бројот на активни случаи во земјата во моментот изнесува 3164. Дистрибуцијата по градови е следна:
Скопје – 2.730, активни 1.800
Куманово – 723, активни 268
Дебар – 83, активни 31
Штип – 290, активни 184
Прилеп – 240, активни 20
Тетово – 603, активни 355
Струга – 389, активни 107
Велес – 171, активни 30
Битола – 44, активни 15
Охрид – 131, активни 107
Кавадарци – 11, активни 5
Гостивар – 91, активни 52
Гевгелија – 10, активни 4 (*2 лица од ПЕ Гевгелија се жители на Богданци)
Струмица – 13, активни 9
Крива Паланка – 13, активни 7
Радовиш – 4, активни 0
Крушево – 6, активни 3
Кочани – 63, активни 27
Пробиштип – 14, активни 9
Демир Хисар – 1, активни 0
Македонски Брод – 3, активни 1
Пехчево – 5, активни 2
Берово – 2, активни 1
Валандово – 6, активни 4
Виница – 3, активни 0
Делчево – 1, активни 0
Кратово – 4, активни 1
Свети Николе – 20, активни 18
Кичево – 16, активни 12
Ресен – 85, активни 83
Неготино – 20, активни 9 (* 10 лица од ПЕ Неготино се жители на Демир Капија)
Направените 1279 теста се преку ИЈЗ – 634, преку „Авицена“ – 105, преку „Биотек“ – 140, преку МАНУ – 109, преку Клиниката „Жан Митрев“ (Филип Втори) – 164, преку Судска медицина – 5, преку „Систина“ со PCR метода – 109 и ЦЈЗ Битола – 13. Досега во земјата се направени вкупно 55.735 тестирања на ковид-19. Денеска нема тестирања во рамките на скринингот.
На Инфективната клиника во изминативе 24 часа се примени шест пациенти, а вкупно се хоспитализирани 98. На кислородна поддршка се 51 пациент, нема пациенти на механичка вентилација. Во болницата во Козле се хоспитализирани две деца сомнителни на ковид-19 и 11 возрасни позитивни пациенти.
Во ГОБ „8 септември“ се примени 14 нови лица, вкупно се хоспитализирани 135 пациенти. На респираторна машина се седум од нив.
Во болницата во Битола се хоспитализирани 44, а во болницата во Штип се хоспитализирани 22 пациента. На инфективните одделенија во Тетово, во Охрид, во Велес, во Куманово и во Прилеп се хоспитализирани 81 пациент, позитивни и сомнителни на ковид-19.
Активни случаи по општини Скопје заклучно со вчера (по завршување на епидемиолошките анкети, може да има измена во дистрибуцијата по општини во Скопје)
Чаир – 416
Аеродром – 141
Бутел – 136
Гази Баба – 151
Центар – 123
Карпош – 121
Сарај – 138
Кисела Вода – 109
Ѓорче Петров – 88
Студеничани – 94
Шуто Оризари – 77
Арачиново – 51
Илинден – 32
Петровец – 16
Чучер Сандево – 17
Сопиште – 12
Зелениково – 2
Странец – 3
Нераспределен – 7