Две лица го загубија животот, а 73 се повредени во денешната серија на експлозии во фабрика за пиротехнички средства во Турција. Турскиот министер за здравство Фахретин Коча преку Твитер порача дека на местото на несреќата се испратени 85 медицински екипи, две воздухопловни екипи за Итна помош и 11 спасувачки екипи.
https://twitter.com/i/status/1279035089855418373
Инцидентот се случи во фабрика во градот Хендек кој се наоѓа во провинцијата Сакарија на северозападот на Турција. Се проценува дека во фабриката, во моментот на експлозиите, имало 150 работници, пренесува агенцијата АП. Според локалните медиуми, експлозиите биле толку силни што одекнувале и на далечина од десетици километри. Причините за несреќата засега се непознати.