Најдоцна за 20 дена од одржувањето на изборите треба да се свика и конститутивна седница на македонското Собрание чија задача е на претседателот на претходниот состав, во случајот Талат Џафери.
Собранискиот состав го сочинуваат 120 пратеници кои ги претставуваат граѓаните и одлучуваат по свое уверување. Согласно Уставот, пратениците во Собранието се избираат за мандат од четири години што го верификува Собранието и почнува да тече од конститутивната седница.
Во членот 63 од Уставот е предвидено, доколку не се закаже конститутивна седница во предвидениот рок, пратениците сами да се состанат и да го конституираат Собранието на 21 ден од денот на
завршување на изборите. Во Уставот е предвидено претседателот на државата во рок од 10 дена од конституирањето на Собранието, да го довери мандатот за составување на нова Влада на кандидатот на партијата, односно партиите што имаат мнозинство во парламентот.
Мандаторот во рок од 20 дена од денот на доверувањето на мандатот, на Собранието му поднесува програма и го предлага составот на Владата што се избира со мнозинство гласови од вкупниот број пратеници.