Федералните обвинители ќе бараат смртна казна за Џокар Тсарнаев кој е осомничен за нападите на Бостонскиот маратон во април минатата година, во кои загинаа тројца а над 260 луѓе беа повредени.
Според обвинителите, тој се однесувал „особено гнасно, бездушно и неморално“.
Соопштението кое беше објавено денеска значи дека кога случајот против Тсарнаев ќе се најде во суд, поротата нема да одлучува само за тоа дали е виновен, туку и дали заслужува смртна казна.
„Среќна сум што случајот оди во вистинска насок, еден чекор напред од процесот на оздравување, бидејќи самото тоа што постои опција за смртна казна сум задоволна“, вели Лиз Норден за CNN, мајка на двајца синови кои загубија по една нога во бомбардирањата на маратонот.
Претходно, властите наведоа дека Тсарнаев, Американец со чеченско потекло, и неговиот брат Тамерлан, биле извршители на нападите, со рачно-изработени бомби, а три дена потоа застрелале и полицаец од Институтот за технологија во Масачусетс.
По нападите, во САД беше спроведена голема акција која резултираше со апсењето на Тсарнаев, а за време на потрагата, полицијата го застрела извршителот на Бостонскиот маратон.