Ковид кризата во Индија можно е конечно малку да се намалува, но вториот бран на Корона вирусните инфекции кој е сѐ уште е крајно убиствен не ближи крај. Вчера беа регистрирани 329 517 случаи на Корона вирусот во Индија што е помалку од претходните денови, но сепак е крајно загрижувачка. Сега слична судбина може да го снајде Непал, помала држава која се граничи со Индија со популација од 28.6 милиони жители.
Во последниот месец, бројот на Корона случаи значително се зголемува. Вчера биле регистрирани 9 127 позитивни случаи на Корона. Ситуацијата е критична во северен Непал, но и во западниот дел од државата.
Од The Guardian известуваат дека Непал очекува слична криза како во Индија, особено заради граничењето со Индија. До сега веќе имало многумина кои ја поминале непалско-индиската граница и најверојатно ја донеле новата варијанта на вирусот во Непал, а и се очекува уште 400 000 мигранти да се вратат во Непал наскоро.
Стапката на позитивност на Ковид е 47%, една од највисоките во светот, а случаите се зголемија за 1.200% само во последните неколку недели.
Слично како кризата во Индија каде веќе крахира здравствениот систем, во Непал се случува нешто многу слично. Капацитетите во болниците во Непал се полни, дури и во главниот град Катманду и во приватните болници, а многумина умираат заради недостиг на кислород, исто како во Индија. Дури некои болници не примаат пациенти заради овој недостиг на кислород и лекови.
„Јас сум обучен да не спијам 48 часа, но не сум обучен да ги испраќам пациентите без помош“, вели д-р Ракшја Пандеј, лекар за белодробна нега во Катманду. „И знаеме дека работите само ќе се влошат“.
Според Reuters, Непал до сега има вакцинирано само 4.3% од напалското население. Иако Индија донираше 1 милион Астра Зенека вакцини и Кина донираше 800 000 од кинеските вакцини, Непал во моментот искусува акутен вакцинациски недостиг.
Како што пишува Питер Беумоунт, во светот моментално практично се случуваат две пандемии: една пандемија која е скоро под контрола заради масовна вакцинација во богатите земји и друга пандемија во остатокот од светот каде што илјадници умираат и владите на не-западните држави се молат со богатите за вакцинациски донации.
Главниот проблем е што едноставно не се произведуваат доволно вакцини иако светот има капацитет за поголема продукција. Но заради блокадата од страна на германската влада во Светската Трговска Организација (СТО) за отварање на преговори за да се ослободат патентите на Ковид вакцините чии патенти се заштитени преку закони за интелектуална сопственост преку СТО, продукцијата на вакцини не може да се зголеми. Прашање е дали Германија ќе биде спремна да ја промени својата позиција за ова или пак ќе дозволи илјадници луѓе да умираат за да се заштитат интересите на фармацевтските компании.
Елена Гаговска