Бајден: Му кажав на Путин дека мојата агенда не е против Русија, туку е за Америка

Американскиот претседател Џо Бајден Прес конференцијата ја почна со кусо образложение на разговорите со Рускиот претседател Путин на кој му рекол дека ,, мојата агенда не е против Русија но е за Америка“ и дека човековите права се дел од ДНК на Обединетите држави и затоа како претседател ќе ги штител и унапредувал демократските слободи и права.

Разговорите со Путин, Бајден ги оцени дека биле ,, разговори со позитивен тон и убедливи“. Рече дека му соопштил на Путин што имал намера да прави, оценувајќи дека меѓу двете земји има многу полиња од заеднички интерес на кои може да се работи во интерес на двете нации но од кои бенефит ќе има целиот свет.

,,Сакам претседателот Путин да разбере зошто го говорам она што го говорам и зошто го правам она што го правам“, изјави Бајден.

,,Меѓународните односи се продолжение на личните односи,тоа е начин на кој функционира човековата природа,  рече американскиот претседател, дополнувајчи дека надворешната политика делува како таен код  а всушност целата надворешна политика е проширување на личните односи.

Американскиот претседател , како и Путин на почетокот зборуваше за кибер нападите и дека во САД биле идентификувани 16 места со одредени делови од  инфраструктура која засега била надвор од нивниот опсег. Русија се согласила на соработка, но Бајден рече ќе треба тоа да го покаже во практиката.

Со Путин зборувале за заеднички да работат со Иран како и за американското повлекување од Авганистан. Бајден уште еднаш се заложил за територијалниот интегритет и суверенитет на Украина. Натаму дека зборувале за човековите права и затворањето на Рускиот опозиционен лидер Алексеј Навални.,,Ако Навални умре во затвор, последиците за Русија би можеле да бидат поразувачки“вели Бајден.

Бајден изразил загриженост за она што се случува во Белорусија.

,Направив се за што дојдов“ изјави Бајден на прес конференцијата, и дека со Путин завршиле доста од планираните теми за средбата.

 ,,Многу е добро што одржавме директен дијалог со Рускиот претседател и тоа е извонреден подвиг независно од тоа колку траеше состанокот“, рече Бајден дополнувајќи дека тој траел помалку од времето што го планирала Белата куќа.

По одделните прес конференции двајцата претседатели заминаа за Вашингтион односно Москва. Генералната оценка по средбата на повеќето известувачи од истата е дека односите навестуват пролет во Американско -Руските односи.